Cíclicamente, a traxedia chega
a Galicia. Fai once anos tocoulle a Coruña; agora é
a Costa da Morte e ameaza o resto das rias baixas. Unhas comarcas asoladas
pola falla de emprego, fortemente dependentes dun mar que agora vomita
lixo. E todo ante a desorganización das autoridades estatais
(patéticas ás medias verdades e mentiras completas do
ínclito Arsenio), da ausencia do Presidente da Xunta, (¡con
tantos kilómetros na panza e non é capaz de acercarse
a Muxía¡), do pobre de Lopez Veiga penando un optimismo
que a ninguén convence. Maio virá e volverán a
encher os pavillóns recadando votos e abrindo as festas gastronómcias,
aínda que esta vez terán que conformarse co pemento e
a carne ó espeto. ¡Que lles aproveite¡
|